Հիմնադրամը ստեղծվել է 2011թ.-ին: Նպատակ ունի աջակցել Հայաստանում մասնագիտական կարողությունների զարգացմանը:

Քաղվածք Կանոնադրությունից

2.ՀԻՄՆԱԴՐԱՄԻ ԳՈՐԾՈՒՆԵՈՒԹՅԱՆ ՆՊԱՏԱԿՆԵՐԸ ԵՎ ԽՆԴԻՐՆԵՐԸ

2.1 Հիմնադրամի  նպատակներն են.

    2.1.1 աջակցել  գիտական հետազոտությունների իրականացմանը` ֆինանսավորելով  կարևորագույն գիտական և գիտատեխնիկական ծրագրերը,

2.1.2 նպաստել գիտության ոլորտում ներդրումային  և  նորաստեղծային քաղաքականության իրականացմանը,

2.1.3 իրականացնել գիտական կազմակերպությունների  ինքնակառուցվածքի ժամանակակից  գիտական սարքավորումների  արդիականացմանն ուղղված ծրագրեր,

  2.2    Հիմնադրամի` նպատակներից  բխող  խնդիրներն  են.

2.2.1  նպաստել կադրերի  պատրաստմանը, վերապատրաստմանը և վերավորակավորմանը

2.2.2  օժանդակել  երիտասարդ գիտնականների  առաջընթացն  ապահովող ծրագրերին,

2.2.3   աջակցել  գիտնականների սոցիալական  վիճակի  լավացմանը,

2.2.4 իրականացնել  անկախ փորձագիտություն` ելնելով գիտական ծրագրերի  և  արդյունքների  գնահատման  միջազգային չափորոշիչներից,

2.2.5  իրականացնել  հրատարակչական գործունեություն,

2.2.6 անցկացնել գիտաժողովներ և սեմինարներ,

2.2.7 ստեղծել տարբեր  բնույթի  տեղեկատվական  բանկեր

2.2.8 իրականացնել օրենքով չարգելված այլ գործունեություն

2.3   Հիմնադրամն իր  կանոնադրական  նպատակներն  իրականացնելու  համար իրականացնում է  դրանից բխող ծրագրեր:

2.3.1 Կազմակերպում է  մրցույթներ, տրամադրում է կրթաթոշակներ , ուսման վարձեր և  դրամաշնորհներ

2.3.2 Ֆինանսավորում է  գիտահետազոտական  թեմաներ

2.3.3 Հրատարակում է մենագրություններ, տեղեկագրեր  կամ  գիտական  հանդես, ինչպես նաև  օժանդակում է  այլ  գիտական հրատարակություններին

2.3.4  Կազմակերպում է  սեմինար-քննարկումներ,  մասնագիտական վերապատրաստման  և այլ  դասընթացներ

2.4 Հիմնադրամը համագործակցում է  ինչպես պետական  և  ոչ  պետական  մարմինների, կազմակերպությունների և  հաստատությունների, այնպես էլ  արտասահմանյան  և  միջազգային  կազմակերպությունների , ընկերությունների  և հաստատությունների հետ:

2.5Հիմնադրամի  հնարավոր շահառուներն են ` ՀՀ  և  ԼՂՀ բուհերի   ուսանողները, մագիստրոսները, ասպիրանտները, երիտասարդ գիտնականները և  այլ  մասնագետներ:

2.6 Հիմնադրամի  գործունեությունն անժամկետ է: Հիմնադրամի  հիմնախնդիրը  միանձնյա  կարող է  որոշում կայացնել  Հիմնադրամը  օրենքով  սահմանված  կարգով  լուծարելու  հայցով  դատարան դիմելու  հարցով դատարան  դիմելու  մասին, եթե  հիմնադրամի  գույքը  և  միջոցները  բավարար  չեն  նրա  նպատակների և խնդիրների  իրագործման  համար, և  եթե  հնարավոր  չէ հասնել  հմնադրամի  նպատակներին:

3.ՀԻՄՆԱԴՐԱՄԻ  ԿՈՂՄԻՑ  ԱՆՄԻՋԱԿԱՆՈՐԵՆ  ԻՐԱԿԱՆԱՑՎՈՂ  ԳՈՐԾՈՒՆԵՈՒԹՅԱՆ  ՏԵՍԱԿՆԵՐԸ

3.1 Հիմնադրամն , ՀՀ օրենսդրությամբ  սահմանված  կարգով , ամիջականորեն  իրականացնում է  գործունեության հետևյալ տեսակները`

3.1.1 հրատարակչական  գործունեություն

3.1.2 լրացուցիչ  մասնագիտական  կրթություն,

3.1.3 տեղեկատվության տարածում:

3.2  Սույն  կանոնադրությամբ  նախատեսված և օրենքով  լիցենզավորման ենթակա  գործունեության տեսակներով զբաղվելու  համար` հիմնադրամն այս գործունեությունն իրականացնում է  համապատասխան պետական մարմիններից  լիցենզիա ստանալու  պահից` նրանում  նշված ժամկետում:

4.ՀԻՄՆԱԴՐԱՄԻ  ԻՐԱՎՈՒՆԱԿՈՒԹՅՈՒՆԸ,    ԻՐԱՎՈՒՆՔՆԵՐԸ ԵՎ  ՊԱՐՏԱԿԱՆՈՒԹՅՈՒՆՆԵՐԸ

          4.1 Հիմնադրամի  իրավունակությունը ծագում է նրա  պետական  գրանցման  պահից  և  դադարում է  լուծարման (գործունեության  դադարման ) պետական  գրանցման պահից:

4.2 Հիմնադրամը ձեռք է բերում իրավաբանական  անձի  կարգավիճակ պետական գրանցման պահից:

4.3  Հիմնադրամն  ունի ՀՀ օրենսդրությամբ իրավաբանական անձի  համար  սահմանված բոլոր  իրավունքները  և կրում է  համապատասխան պարտականություններ:

4.4 Հիմնադրամը`

• որպես սեփականություն ունի  առանձնացված գույք, ինքնուրույն հաշվեկշիռ  և իր  պարտավորությունների  համար  պատասխանատու է սեփական գույքով,
• կարող է  իր  անունից  ձեռք բերել և իրականացնել  գույքային և անձնական  ոչ  գույքային իրավունքներ, կրել  պարտականություններ, դատարանում հանդես գալ որպես  հայցվոր կամ  պատասխանող,
• ունի  իր  անվամբ  կլոր  կնիք` հայերեն  անգլերեն  գրառումներով, դրոշմ, հաշվարկային  հաշիվներ  բանկում` թե  ՀՀ արժույթով, թե  արտարժույթով,
• կարող է  անարգել  տարածել  տեղեկություններ  իր  գործունեության  մասին, հիմնադրել  մամուլի  և  զանգվածային  լրատվության  այլ միջոցներ,
• պետական և  տեղական  ինքնակառավարման  մարմիններից, օրենքով սահմանված  կարգով, կարող է  ստանալ  տեղեկություններ, որոնք  անհրաժեշտ  են  իր կանոնադրական նպատակներն  իրականացնելու  համար,
• կարող է  ՀՀ  օրենսդրությամբ  սահմանված  կարգով  իրականացնել  ձեռնարկատիրական գործունեություն` ստեղծելով տնտեսական  ընկերություններ  կամ  մասնակցելով դրանց:
• կարող է  ստեղծել  առանձնացված ստորաբաժանումներ` մասնաճյուղեր և  ներկայացուցչություններ, ինչպես  նաև  հիմնարկներ, ակումբներ հանձնաժողովներ և  այլ  կառույցներ.
• կարող է  իրականացնել օրենքով  չարգելված այլ  գործունեություն:

 

4.5 Հիմնադրամը  քաղաքացիական  իրավունքները  ձեռք է  բերում ու  իրականացնում  իր կամքով և  ի  շահ  իրեն: Հիմնադրամն  ազատ  է  պայմանագրի  հիման  վրա սահմանելու  իր  իրավունքները և  պարտականությունները, որոշելու պայմանագրի` օրենսդրությանը  չհասկացող  ցանկացած  պայման:

4.6 Հիմնադրամն  ունի օրենքով  չարգելված բոլոր  եղանակներով  իր  քաղաքացիական  իրավունքների պաշտպանության  իրավունք:

4.7  Հիմնադրամը  պարտավոր է`

• գործել Հայաստանի Հանրապետության Սահմանադույանը, օրենքներին  և  այլ  իրավական  ակտերին , ինչպես  նաև հիմնադրամի  կանոնադրությանը  համապատասխան,
• օրենքով սահմանված  կարգով վարել  գործավարություն և  հաշվապահական  հաշվառում.
• օրենքով նախատեսված  դեպքերում և  կարգով  տեղեկատվություն  ու  հաշվետվություններ  ներկայացնել  պետական մարմիններին.
• կրել  օրենքով և  այլ  իրավական  ակտերով  սահմանված  այլ  պարտականություններ.

4.8 Հիմնադրամը պատասխանատվություն  չի կրում պետության  պարտավորությունների  համար, ինչպես  որ պետությունը  պատասխանատվություն չի  կրում հիմնադրամի պարտավորությունների  համար:

4.9 Հիմնադիրը պատասխանատու չէ իր  կողմից  ստեղծված  հիմնադրամի  պարտավորությունների, իսկ հիմնադրամը` իր  հիմնադրի պարտավորությունների  համար:

4.10  Հիմնադրամն  իր  պարտավորությունների համար  պատասխանատվություն է  կրում  սեփականության  իրավունքով  իրեն պատկանող ամբողջ  գույքով:

4.11Հիմնադրամի իրավունքները  կրող են սահմանափակվել  միայն  օրենքով  նախատեսված դեպքերում  և  օրենքով  սահմանված  կարգով: